الزميل النظامي يرضع فوق اللجام.. “اللقاءات مش هي الميزان”

العقبة الإخباري – عبدالحافظ الهروط

وجّه  الزميل خليل النظامي رسالة كفى بها جميع  الزملاء الذين أخذهم العتب لعدم حضور لقاء الملك ،  الذي رتّب له مدير مكتبه، مع عدد من زملائهم.

النظامي وفي منشور له وجّهه إلى زملاء  المهنة، كان بمثابة درس في كرامة وشجاعة وعفّة الصحفي، ومدى كفاءته في مهنته باعتبارها معياراً في سجله المهني ورسالته الصحفية، حتى أنني شددت على يده بما كتب، وقسوت على المعاتبين الزملاء بعبارة ” من يطلب الدعوة لا دعوة له”.

الزميل النظامي،  الوطني والمهني، استأذنته بنقل منشوره هذا ، وقد وجدت فيه المهر الحر الذي رضع فوق اللجام، حيث صهل :

يا جماعة الخير،،،

الزملاء الصحفيين اللي زعلانين وعتبانين عشان ما وصلتهم دعوة للقاء الملك ووليالعهد في قصر الحسينية،، أو حاسين إنه تم استثنائهم،،

حقكم تعتبوا والشعور مفهوم من باب الغيرة على المهنة والمنافسة، بس خلينا نحكيبصراحة وبعيد عن العواطف وبحسبة مهنية،،،

هاللقاءات مع كل احترامنا لرمزيتها وأهميتها، بس مش هي الميزان اللي بنوزن فيهالصحفي،،، ولا هي صك غفران أو شهادة اعتراف بمهنية فلان على حساب علنتان،،،

القصة وما فيها إنها لقاءات بروتوكولية بحتة، بتحكمها ظروف المكان والزمانواللوجستيات، والديوان الملكي أكيد ما بطلع من وراها تصنيف للصحفيين ومينأحسن من مين،،

وكمان خلينا نكون واقعيين، هاي اللقاءات مرات بتدخل فيها حسابات وعوامل كثيرةما إلها دخل بالمهنية،،،

وعشان أكون واضح وصريح معكم، أنا شخصيا بحياتي كلها ما قابلت لا ملك ولا أمير ولاولي عهد، وحتى انحكتلي بالبنط العريض وفي وجهي: “ما رح تقابل حد منهم طولعمرك” والسبب كان إخواني المعارضين اللي برا البلد،، ولأني ما بعرف اسكت عنالفساد قدام صاحب القرار الأول،،

بس بتعرفوا شو،،!!؟؟؟

هالحكي عمره ما أثر على قيمتي الصحفية، ولا هز شعرة من وطنيتي وانتمائي، ولا غيرفي ولائي للقيادة السياسية،، بالعكس تماما هالشعور زاد وتطور واشتغلت على حاليأكثر وأكثر عشان نفسي مش عشان حد ثاني،،،

يا زميلي،،،

تاريخك الصحفي ومكانتك ما بتنبني على كرت دعوة بتشخص فيه وتتصور ببدلةوربطة،، تاريخك هو أرشيفك ومقالاتك وتحقيقاتك اللي بتلامس هموم الناس،ومصداقيتك قدام الشارع،،،

الصحفي الشرس والقوي والمهني بفرض حاله بشغله وتأثيره،،، مش بانتظار دعوة أومنصة رسمية ليثبت حضوره،،

نصيحة أخ وزميل،،،

لا تربطوا قيمتكم المهنية بكراسي اللقاءات،،، اربطوها بالكلمة الحرة والمحتوىالنظيف اللي بظل أثره محفور وما بتمحيه الأيام،،،،

#خليل_النظامي